我的名字 in Hebrew

我的名字 in Hebrew

2007年10月31日星期三

2007年10月22日星期一

我的第一次……

  十月廿二日係一個值得紀念的日子,因為……我第一次被蚊蚊咬,仲要咬咗兩啖,好狼胎。而兇手可能已逃之夭夭,不過有一個疑犯被發現死咗係我張床上,現正接受調查…

三個月後……

  Daddy今日早起身,所以得閒同我玩,好開心。開心的原因係有咗Playpan,我可以有多d空間玩,唔洗俾架車仔限住,所以,Daddy媽咪都發現我而家已經能夠「手眼合一」(有時),自己玩玩具。要睇我d精彩片段,請瀏覽我的相簿啦!

  因為天氣轉涼啦,媽咪幫我加番食五餐奶奶,咁樣我會容易D食,又會快d食完,夜晚飽飽地先瞓,瞓得好好多。而我食奶時也有新姿勢,好厲害的,知唔知呢個功夫仔叫咩名堂?咪係「腳指功」囉。犀利嘛?呢個功夫係經由專人指導,屋企嘅小朋友唔好亂咁模仿。



本週最好朋友來自馬來西亞,係James叔叔送給我的「毛毛蟲」,我很喜歡抱著它睡覺呢。
蟲蟲你隻腳腳好香啊!!

2007年10月20日星期六

終於過了第100日,向第101日進發

  昨天是我的100日生日,感謝神,我沒有「吵百鑼」(祖母大人語,應該係咁寫),所以Daddy媽咪好開心,同我打了星光大道用的手印和腳印。
  今朝我繼續用緊神召會西環堂送的Playpan(特別鳴謝),苦練我手抓熊的功夫。媽咪話我似馬戲團表演。姑勿論如何,俾你哋睇吓我苦練的成果。

2007年10月13日星期六

三個月啦

姓名:   楊諾禧
年齡:   3 months
花名:   肥頸(Daddy改)
體重:   13.5磅
喜愛的食物:能恩HA1(平均7安士)
優點:   人見人笑
口頭禪:  ng--
專長:   手抓熊(公仔熊Winnie the Pooh)

2007年10月12日星期五

10月6日告別豬兜兜

  自出世以來,我都係瞓豬兜兜,但係今日媽咪話我大個咗,豬兜兜都唔可以兜住我啦,所以,學吓瞓床仔啦。(其實我三個星期大已經係自己瞓架啦,係咪好獨立呢?)
  
「告別」是人生必經的階段,先係告別臍帶,跟住告別豬兜兜,下一個會係告別咩呢?

2007年10月2日星期二

我愛洗白白

  幾個星期沒有露面,全因我兩個月要打針針,嫲嫲好慷慨(係佢俾錢),俾我打埋肺炎鏈球菌針,好貴的,不過保障我的健康,值得喎。不過就要一打打兩針,好痛呢!之後我仲發燒,退燒之後又嘔奶,係成支奶嘔哂出嚟,好嚴重,之後又肚瀉……唉!總之,好混亂。
  這幾天才恢復元氣,四天前我愛上沖涼,宜家洗白白唔再喊啦,媽咪話遲d可以買d沖涼玩具俾我玩,好嘢!!我回復健康啦,胃口仲好好添,大家唔洗擔心。